TENY FANOLORANA
« Maharitra amin’ny fanahy iray…ka miray fo hiara-miezaka hampandroso ny finoana ny filazantsara. » Filipiana 1.27c
Ho aminareo anie ny fahasoavana sy ny fiadanana avy amin’Andriamanitra Raintsika sy Jeso Kristy Tompo.
Fifaliana ho anay ny miarahaba anao, tonga soa eto amin’ny tambazotra seraseran’ny FPMA FATSAN na Faritany ATSimo ANdrefana.
Ny FATSAN dia faritany iray amin’ny faritany enina eto amin’ny FPMA, ary misy :
– Mpitandrina Mpandrindra E. Charles RAKOTONDRAMANANA
– tafo na fitandremana dimy : Bordeaux, Clermont
Ferrand, La Reunion, Montpellier ary Toulouse.
– FMM na ny fiaraha-miasan’ny mpitandrina rehetra eto amin’ny FATSAN izay mitaiza ny vahoakan’Andriamanitra, amin’ny alalan’ny fitrotroana am-bavaka, ny fiofanana sy ny fampianarana isan-karazany.
– sampana iraisana fito : Sekoly alahady (SA), tanora Kristiana (STK) , Antoko Mpihira (AM), fifohazana (SAFIFO), zava-maneno (SZM), vehivavy kristiana (SVK) ary ny lehilahy kristiana (SLK).
– sampandraharaha sy vaomiera : V3M na ny vaomiera mpitrandraka ny mpitandrina matihanina, ny KNPL na ny komity nasionaly projet laika, ary ny Vatsy.
Ny fandinihana ny raharaha dia mandalo ambaratonga telo :
Ny birao, ny komity ary ny synoda FATSAN.*
« Mba ho iray ihany izy rehetra, tahaka ny mahairay Antsika. » Jaona 17.11e
Na samihafa sy maro aza ny momba ny tena, araka ireo rehetra voalaza eo ambony ireo, sy ny fanomezam-pahasoavana ananan’ny tsirairay, izay samy manana ny mahaizy azy, dia tena iray ihany ao amin’i Jeso Kristy ; faritany miray amin’Andriamanitra telo izay iray. Faritany miara-dia sy mifampitsinjo ;
.ary miezaka hatrany eo ambany fitarihan’ny Fanahy Masina mifampidinika sy mitady izay hampandroso ny fifankatiavana sy ny asa tsara eto amin’ny faritany sy ny nasionaly, ary mametraka an’Andriamanitra Ray sy Jeso Kristy Zanaka ary ny Fanahy Masina ho lohalaharana sy ivon’ny zavatra rehetra.
Farany nefa tsy ny kely indrindra dia faly izahay ary misaotra an’Andriamanitra noho ny fahasoavany ; miitatra ny fanjakany, fa lasa misy vondrom-bavaka ao Pau izay ankinin’i Tompo amin’ny FATSAN ny fiahiana azy ireo, ka mba ahatonga azy ho fiaraha-mivavaka ary tafo FPMA any aoriana raha sitrapon’i Tompo.
Andriamanitra Ray sy Jeso Kristy lohan’ny fiangonana anie hitahiry anao mitsidika ity tambazotra ity koa, ka hampitombo anao amin’ny finoana sy amin’ny fahalalana tsara an’Andriamanitra Ray sy Jeso Kristy Tompo.
Ho an’Andriamanitra irery anie ny voninahitra ankehitriny sy mandrakizay. Amen
Nadia DELMOTTE
Filoha FATSAN
HAFATRA KRISMASY 2025 SY TAOMBAOVAO 2026
« Ary nony nahita ny Kintana izy dia nifaly indrindra » (Matio 2.10)
Io andinin-tSoratra Masina ao amin’ny Filazantsaran’i Matio io no entinay hiarahabana sy irarian-tsoa ho an’ny Vahoakan’Andriamanitra rehetra eto amin’ny Faritany Atsimo-Andrefana : hitoetra maharitra ao anatintsika anie ny fifaliana entin’ny Noely.
Tsy omby tratra ny hafalian’ny Magy nikaroka Ilay Zaza teraka ho « Mpanjakan’ny Jiosy »
raha nijanona tandrify ny tranon’omby nahaterahan’i Jesoa ilay Kintana. Hafaliana naneraka ny tena, saina sy fanahiny manontolo satria nody ventiny ny rano nantsakaina, azo ny zava-notadiavina, nokarohina, sy nikirizana ; ary tsindrian-daona mafy izy ireo ny hahita sy hitsaoka Ilay Zaza vao teraka, sy hanolotra ny fanomezana efa nomaniny.
Ry havana, Io « Fifaliam-be » ambaran’ny Filazantsaran’i Matio io, fifaliana noho Ilay « Teny tonga Nofo », dia ho an’ny olona rehetra , omena maimampoana. Fifaliana vokatry ny famangian’ny Tompo ny fiainantsika tsirairay. Feno fatra hatrany izany raha monina ao anatintsika Izy, araka ny tenin’i Paoly hoe : « Mifalia mandrakariva ao amin’ny Tompo » (Fi 4.4) n’inon’inona mihatra. Ny Kintana dia azo ilazana ny Fanahy Masina manetsika ny fo sy mitondra hafaliana ho an’izay mitady an’Andriamanitra marina tokoa.
Raiso sy iaino isan’andro izao hafaliana lehibe entin’ny Noely izao ho antsika.
Mirary Krismasy sy Taom-baovao sambatra ho an’ny tsirairay
Amin’ny anaran’ny mpitandrina sy ny tompon’andraikitra rehetra eto amin’ny Faritany,
Ny mpitandrina mpandrindra FATSAN :
E.Ch. Rakotondramanana
MESSAGE DE NOEL 2025 ET DE NOUVEL AN 2026
« A la vue de l’étoile, ils éprouvèrent une grande joie » (v.10)
C’est dans le récit des mages qu’est utilisé pour la première fois dans le Nouveau Testament l’expression « grande joie », une joie extraordinaire qu’on ne ressent que rarement, joie de ceux qui ont persévéré avec succès dans leur entreprise pour rencontrer
et adorer le « Roi des Juifs ». La joie de Noël est aussi la nôtre, car Emmanuel nous a rendu visite et est présent dans nos vies, d’où cette exhortation de l’apôtre Paul : « Réjouissez-vous dans le Seigneur en toutes circonstances » (Ph. 4,4).
Joyeux Noël et Heureuse Année 2026 à chacune et chacun.
Au nom de l’équipe pastorale et des responsables de la Région Sud-Ouest
Le pasteur coordinateur du FATSAN :
E.Ch. Rakotondramanana
LAMINA (ORGANIGRAMME)
Le bureau
Mpitandrina / Pasteur
Charles
Rakotondramanana
ech.rakoto@gmail.com
Filoha / Présidente
Nadia
Delmotte
patoujoujou@gmail.com
Mpitambola / Trésorier
Hanitra
Ratovondrahona
hanitra.ratovondrahona@gmail.com
Mpitantsoratra / Eécrétaire
Miadana
Allard
miadana.allard@gmail.com
Mpanamarimbola
Ony
Ramamonjisoa
onyramamonjisoa83@gmail.com
Gestionnaire Financier
Mamy-Luc
Razafitsalama
mamyluc@gmail.com
Mpanolo-tsaina / Conseiller
Joëlle
Raharinosy
lalaraha19@gmail.com
Les tafo
Toulouse
Montpellier
Clermont-Ferrand
Bordeaux
